Tuesday, May 13, 2014

Gumagalera

Paborito ko ang Puerto Galera. Siguro nga dahil malapit lang, mura, at maganda pa rin ang dagat at ang mga paligid na island/diving spot.

Masarap sa Galera. Masarap uminom kahit tanghaling tapat. Masarap ang Mindoro Sling, hindi puwedeng tikman o subukan.Masarap lumangoy at sumisid, masarap ding magpamasahe sa tabing dagat. Masarap maglakad nang maglakad sabay ang pag-aura. Masarap ang mga pagkain, tipid tips na, busog ka pa talaga.



Maganda sa Galera. Sa umaga, sarap yakapin ng Haring Araw. Sa dapithapon, sarap hagkan ng Haring Araw sa kanyang paghimlay. Maganda sa pakiramdam yung medyo lasing ka habang lumulubog ang araw, hindi kailangan ng filter o phtoshop, pero nakakaganda talaga. At nakakagaan ng pakiramdam.

Masaya sa Galera. Maraming tao, pero depende sa perspektibo at sa gusto, ang maraming tao ang nagpapasaya dito. Paulit-ulit man ang firedance at ang mga live show, masaya pa rin, basta babaan mo lang expectations mo at i-loosen up ang trip mo. Again, tao pa rin ang nagpapasaya rito. Kung suplado ka, talagang makokornihan ka. Pero kung bukas ka sa lahat ng klaseng tao, magiging masaya ang stay mo sa Galera. Usap lang at tagay ayos na.Kung may kasamang landi, ayos pa rin.

Mapusok sa Galera. Maraming tukso. Pero ganun naman talaga yata epekto ng Galera sa karamihan ng mga naruon. Nakakataas ng libido. Mapalalaki, mapababae, mapapwede sa lalaki o sa babae, mapabading man --- walang kasarian ang kalandian. pero ito ay laro lamang, hanggang Galera lamang. Ewan ko kung epekto ng alak o ng libog o pareho, pakiramdam ko ako si Piolo Pascual. Nilalandi, nakikipaglandian. Nakilalaro, naglalaro. Pero kwidaw, nasusuka pa rin ako kapag babae na ang lumalandi sa akin.

Mahal ko ang Galera. At syempre, mahal ko rin ang mga kaibigan na kasama ko nung huling punta ko rito. salamat sa kanila, nakabalik ako sa Galera. Salamat sa kanila, naging mas masaya, masa masarap, mas maganda ang muling karanasan ko sa galera. At syempre sa gabi at madaling araw,  mas mapusok. Hehehe.